Առցանց վարկային դիմում

Սույնով հաստատում եմ, որ տեղեկացված եմ «ԱՐԵԳԱԿ» ՈՒՎԿ ՓԲԸ-ի կողմից սպառողական կրեդիտավորման պայմաններին, այն է` աշխատավարձի առկայության, տրամադրվող կրեդիտի գումարի սահմանաչափերի, կրեդիտի տարեկան անվանական և փաստացի տոկոսադրույքների չափերի, կրեդիտի ժամկետի, մարումների հաճախականության և տոկոսագումարների վճարման կարգի, կրեդիտի տրամադրման վճարի, գրավի նկատմամբ ներկայացվող պահանջի (եթե դրա անհրաժեշտությունը հետագայում կծագի), ինչպես նաև գրավի պայմանագրի նոտարական վավերացման և պետական գրանցման օրենսդրական դրույթների մասին։

Վարկային պատմություն և սքոր

Ինձ տրվել է տեղեկատվություն վարկային պատմության և վարկային սքոր գնահատականի էության և դրա կարևորությ`ան, կիրառվող սքորի տեսակի (Աքռա, Ֆայկո, սեփական սքոր գնահատական), սքորի վրա ազդող հիմնական գործոնների մասին, ստացել եմ նաև տեղեկատվություն սքոր գնահատականի վրա վարկային հարցման ազդեցության վերաբերյալ՝ սքորի տեսակի և հարցման ազդեցության ուղղության մասին:
Միաժամանակ, ինձ տրվել է տեղեկատվություն «Սպառողական կրեդիտավորման մասին» ՀՀ օրենքով սահմանված իրավունքների (մտածելու ժամանակ, պարտավորությունները մարման ժամկետից շուտ կատարելու իրավունք, կրեդիտավորողի և սպառողի հաղորդակցության (17-րդ հոդված) և այլն), ինչպես նաև վարկային պատմության և դրա կարևորության մասին:

Սպառողը իրավունք ունի.

Ցանկացած ժամանակ Կրեդիտավորողից ստանալ տեղեկություններ Պայմանագրի ուժով տրամադրված Կրեդիտի գծով իր պարտավորությունների վերաբերյալ` Կրեդիտավորողի կողմից սահմանված կարգով: Կրեդիտի գումարը, դրա նկատմամբ հաշվարկված տոկոսագումարները և ամսական սպասարկման վճարը վերադարձնել Պայմանագրով նախատեսված ժամկետներից շուտ` Պայմանագրով նախատեսված կարգով: Առանց որևէ պատճառաբանության միակողմանիորեն լուծելու Պայմանագիրը դրա կնքմանը հաջորդող 7 աշխատանքային օրվա ընթացքում (մտածելու ժամանակ): Այդ դեպքում Սպառողը պարտավոր է Կրեդիտի գումարը օգտագործելու համար Կրեդիտավորողին վճարել տոկոսներ, որոնք հաշվարկվում են կրեդիտավորման պայմանագրով նախատեսված տարեկան փաստացի տոկոսադրույքին համապատասխան: Պայմանագրի լուծման հետ կապված որևէ այլ հատուցում Սպառողից պահանջվել չի կարող:

Հոդված 17. Կրեդիտավորողի և սպառողի հաղորդակցումը

1. Կրեդիտավորողի և սպառողի միջև ցանկացած հաղորդակցում, որը կապված է կրեդիտավորման պայմանագրի պայմանների կամ կողմերի միջև հաղորդակցման կարգի կամ կողմերի իրավունքների, պարտականությունների կամ պատասխանատվության սահմանման, փոփոխման կամ դադարեցման հետ կամ վերաբերում է կրեդիտավորման պայմանագրի վրա որևէ ազդեցություն ունեցող օրենքներին, նորմատիվ իրավական ակտերին կամ կրեդիտավորողի ներքին ակտերին, կատարվում է գրավոր եղանակով՝ փոստային կապի միջոցով, բացառությամբ սույն հոդվածի 3-րդ մասում նշված դեպքերի: Ընդ որում, սույն մասում նշված տեղեկատվությունը համարվում է պարտադիր ներկայացման տեղեկատվություն:
2. Կրեդիտավորողը պարտավոր է իր կողմից կամ կրեդիտավորման պայմանագրով սահմանված պարբերականությամբ, բայց ոչ պակաս, քան երեսնօրյա պարբերականությամբ, սպառողին ներկայացնել կրեդիտավորման պայմանագրից բխող սպառողի պարտավորությունների և դրանց առաջացման հիմքերի և մարումների վերաբերյալ գրավոր տեղեկատվություն, այդ թվում՝ սպառողի կողմից իր պարտավորությունները չկատարելու կամ ոչ պատշաճ կատարելու համար կրեդիտավորողի կողմից կիրառվող կամ կիրառված պատասխանատվության միջոցների (տուժանքի կամ սպառողի վիճակը վատթարացնող ցանկացած այլ միջոցների) սպառիչ ցանկը, դրանց կիրառման դեպքերն ու կարգը՝ փոստային կապի միջոցով, բացառությամբ սույն հոդվածի 3-րդ մասում նշված դեպքերի:
3. Սպառողն իր գրավոր, այդ թվում՝ էլեկտրոնային եղանակով ներկայացված դիմումի հիման վրա կարող է հրաժարվել սույն հոդվածի 1-ին և 2-րդ մասերով սահմանված տեղեկատվությունը փոստային կապի միջոցով ստանալու իրավունքից՝ պարտադիր ներկայացման տեղեկատվությունը էլեկտրոնային կամ կապի այլ միջոցներով կամ բանկի տարածքում ստանալու պայմանով: Պարտադիր ներկայացման տեղեկատվությունը էլեկտրոնային կամ կապի այլ միջոցներով կամ բանկի տարածքում ստանալու սպառողի իրավունքը սահմանափակող պայմանը կամ համաձայնությունն առ ոչինչ է: Ընդ որում, կրեդիտավորողն իրավունք չունի սպառողին պարտադրելու, այդ թվում՝ սպառողի համար ոչ բարենպաստ իրավիճակ ստեղծելու, որ սպառողը հրաժարվի պարտադիր ներկայացման տեղեկատվությունը փոստային կապով ստանալու իր իրավունքից:
4. Եթե պարտադիր ներկայացման տեղեկատվությունն սպառողին պետք է հանձնվի բանկի տարածքում, ապա բանկը պարտավոր է առնվազն 3 տարի թղթային կամ էլեկտրոնային կրիչի վրա պահպանել սպառողի կողմից չպահանջված տեղեկատվությունը:
5. Սպառողների իրավունքների պաշտպանության նպատակից ելնելով` Կենտրոնական բանկն իր նորմատիվ իրավական ակտերով կարող է սահմանել սույն հոդվածով նախատեսված հաղորդակցման կարգ, պայմաններ, ձևեր և նվազագույն պահանջներ:
Հաստատելով գործարար հարաբերություն կամ գործարքում հանդես գալով որպես հայտատու՝ հայտարարում եմ, որ գործարար հարաբերության մեջ կամ գործարքում առկա չէ իրական շահառու: Իրական շահառու եմ հանդիսանում ես: Պարտավորվում եմ նաև գործարար հարաբերության ընթացքում իրական շահառուի փոփոխության կամ իրական շահառուի ի հայտ գալու դեպքում տեղյակ պահել «ԱՐԵԳԱԿ» ՈՒՎԿ ՓԲԸ-ին: